Foydalanish shartlari

1.Xizmat

Onlayn Taklifnoma — to‘y, sunnat, tug‘ilgan kun va boshqa tadbirlar uchun interaktiv onlayn taklifnomalar yaratish va ulashish xizmati.

2.Akkaunt

Ro‘yxatdan o‘tishda to‘g‘ri ma’lumot kiriting. Parolingiz va akkauntingiz xavfsizligi uchun o‘zingiz javobgarsiz.

Shartlarni buzgan akkauntlar ogohlantirishsiz bloklanishi mumkin.

3.Siz joylagan kontent

Taklifnomaga yuklagan rasm, matn va musiqangiz uchun o‘zingiz javobgarsiz va ulardan foydalanish huquqiga ega bo‘lishingiz kerak.

Qonunga zid, haqoratli yoki boshqalarning huquqlarini buzadigan kontent taqiqlanadi — bunday kontent olib tashlanishi mumkin.

4.Narxlar va to‘lov

Pullik tarif va obunalar narxi «Narxlar» sahifasida ko‘rsatilgan. To‘lov Click, Payme yoki Multicard orqali qabul qilinadi va tasdiqlangach xizmat darhol faollashadi.

To‘lov bo‘yicha savol yoki e’tirozlar bo‘lsa, biz bilan bog‘laning — har bir murojaat alohida ko‘rib chiqiladi.

5.Javobgarlik

Xizmatni uzluksiz ishlashi uchun harakat qilamiz, ammo texnik ishlar yoki bizga bog‘liq bo‘lmagan sabablar tufayli qisqa uzilishlar bo‘lishi mumkin.

Taklifnomadagi ma’lumotlar (sana, manzil va boshqalar) to‘g‘riligi uchun taklifnoma egasi javobgar.

6.O‘zgarishlar va aloqa

Shartlar yangilanishi mumkin; yangi tahrir shu sahifada e’lon qilinadi. Savollar bo‘yicha «Aloqa» sahifasi yoki Telegram orqali yozing.